Pse dështoi tentativa për transferimin e Cristiano Ronaldos në Arabinë Saudite? Më siguri jo për çështje parash dhe po ashtu jo për shkak të vetos së vendosur nga sulmuesi portugez të cilit iu premtuan 210 milionë pound për të nënshkruar meAl-Hilal. Presidenti Fahad ben Nafel përgënjeshtron lajmin se ishte CR7 ai që refuzoi, ndërsa shton:
“Negociuam me Ronaldon dhe problemi nuk qëndronte te paratë apo principet. Al-Hilal është gati të sjellë në Arabi yjet e futbollit botëror por Qëndra e Arbitrazhit Sportiv na ndaloi regjistrimin e lojtarëve të rinj duke na bllokuar merkaton në hyrje. Ne i vazhduam bisedimet deri në momentin që e kuptuam se vendimi binte ndesh dhe nuk do të hiqej në kohë”.
Al-Hilal është dënuar për shkak të regjistrimit të Mohmed Kanno nga dy klube, çka e pengon klubin që të veprojë lirshëm në merkato. Në këtë mënyrë, presidenca ndërpreu bisedimet me Ronaldon që dukej se ishte gati të braktiste “Old Trafford”.
