Një makinë është përfshirë nga flakët gjatë mesnatës në Vlorë.
Ngjarja ka ndodhur në lagjen “24 Maji”, ndërsa automjeti ka qënë në pronësi të shtetasit L. K.
Paraprakisht dyshohet se zjarri ka ndodhur për shkak të një defekti të mjetit.
Njoftimi:
Vlorë/Informacion paraprak
Më datë 27.09.2022, rreth orës 02:30, në lagjen “24 Maji”, Vlorë, ka rënë zjarr në një automjet të parkuar, tip “Ford” në pronësi të shtetasit L. K., banues në Vlorë, ku janë shkaktuar vetëm dëme materiale.
Grupi hetimor po punon për sqarimin e rrethanave të ngjarjes dhe përcaktimin e shkaqeve të rënies së zjarrit.
