Deputeti i Partisë Demokratike Tritan Shehu ka reaguar për ngjarjen e arrestimit të mjekut Fitim Marku për korrupsion në spitalin e Traumës.
Me anë të një postimi në FB, kjo çështje sipas Shehut u shpërbë si një flluskë sapuni.
“U shperbe si nje “ fllucke sapuni” ceshtja ndaj anestezistit Marku! Mbas te gjithe atij operacioni policor, “sulmi” ne nje spital, nxjerrja e tij me uniformen e salles se operacionit, sot u lirua nga hekurat, per tu ndjekur me tej nga gjykata. Dhe kjo u arrit jo per vullnet te rregjimit. U arrit sepse opinioni reagoi me realizem. Sepse mjeket, koleget e personeli shendetesor e kuptuan lojen e ndyre qe po luhej me ata dhe…Reaguan! Prandaj rregjimi sot u terhoq! Ky rregjim perballohet vetem me perballje!”, shkruan Shehu.
Shehu deklaroi se mjeku i arrestuar pësoi edhe një episod ishemik cerebral nga stresi.
“Sot Dr. Marku pesoi edhe nje episod ishemik cerebral nga stresi. Fatmiresisht rikuperoi shpejt! E takova ne spital ne kushte te mira shendetesore, nen kujdesin e kolegeve te tij. Vetem reagimi i detyron rregjimet te respektojne te drejtat e njeriut. Prandaj duhet reaguar me force- ky eshte mesimi nga kjo ngjarje”, përfundon deputeti demokrat.
