Kryetari i Partisë Demokratike, Sali Berisha ka uruar fitoren e së djathtës në zgjedhjet që u zhvilluan këtë të diel në Itali.
Gjatë një statusi në rrjetet sociale, Berisha tha se në Itali ka fituar koalicioni i miqve të Partisë Demokratike.
“Fitore historike e Koalicionit të Djathtë, miqve tanë në Itali. Një urim të përzemërt për suksesin historik, fitoren e shkëlqyer udhëheqësve të koalicionit fitimtar Georgia Meloni, Silvio Berluskoni, Matteo Salvini”, shkruan Berisha.
Fitorja e Giorgia Melonit vjen në një kohë kritike për Europën, për shkak të luftës Rusi-Ukrainë. Sanksionet kundër Rusisë po rrisin presionet rreth inflacionit. Giorgia Meloni e di se shqetësimet kryesore të italianëve janë kostot e energjisë dhe kriza akute e kostos së jetesës.
