Mhill Gecaj ka komentuar arrestimin e mjekut të Traumës, Fitim Marku i cili është shtruar sot në spital pasi nuk ka qenë në gjendje të mirë shëndetësore.
Mjeku Gecaj tha se mënyra se si u arrestuar apo u fut në kurth ky mjek, lë shumë për të dëshiruar dhe nuk nderon as policinë dhe as prokurorinë. Sipas tij kishte mënyra të tjera qe Marku të shoqërohej, dhe jo sikur ishte ndonjë kriminel.
“Dua të dënoj me cdo formë cdo lloj fenomeni me shpërdorimin e detyrës të cdo mjeku dhe kolegu , të jenë sa më të kujdesshëm. Forma e ndjekur për arrestimin ose ky kurth lë shumë për të dëshiruar. Një kurth të stisur të mirë organizuar për arrestimin e kolegut. Ai është mjek dhe nuk rrezikun njeri, edhe pse ka abuzuar apo ka rënë në grackë. Nuk e nderon prokurorinë, policinë forma të tilla. Gjej rastin ta dënojë këtë mënyrë të trajtimit të një mjeku sikur ishte ndonjë kriminel . Të them të drejtën shoh me shumë shqetësim këtë problem, nuk lë një shije të mirë, ka forma të tjera nga policia dhe prokuroria për njerëz që abuzojnë me ligjin, për ti shkaktuar atij traum”, tha Gecaj per Fax News.
