Ardit Gjebrea paralajmëroi shumë surpriza në edicionin e këtij viti të festivalit “Kënga Magjike”. Ky edicion i 23-të do të ngjisë në skenë 26 artistë BIG shqiptarë dhe shumë emra të njohur ndërkombëtarë do t’i bashkohen kësaj kategorie.
Një ndër emrat ndërkombëtarë që do të marrë pjesë në festival është dhe fituesi i Sanremo-s, Marco Carta.
Në një postim në Instagram, fituesi i “Sanremo 2009” ka shkruar: “Më kënaqësi ju njoftoj së do të marr pjesë në festivalin “Kënga Magjike 2022”, në kategorinë “BIG INTERNATIONAL ARTIST”, me një këngë të re që e dua shumë: “(Ndoshta) nuk më mjafton më”. Është një nder që do të kem mundësinë të këndoj një këngë kaq të rëndësishme, në një ngjarje kaq prestigjioze dhe ndërkombëtare. Festivali mbledh çdo vit artistë nga e gjithë bota dhe jam i lumtur që jam përzgjedhur. Qëndroni të sintonizuar për më shumë lajme në ditët në vijim!”
