Kryeministri i Greqisë, Kyriakos Mitsotakis është befasuar në Nju Jork teksa udhëtoi për të marrë pjesë në punimet për Asamblenë e Përgjithshme të OKB-së.
Gjatë qëndrimit në SHBA, kreu i qeverisë Helene mori pjesë edhe në takimin e anëtarëve të Këshillit për Marrëdhëniet me Jashtë, ku moderatori i debatit e befasoi me një pyetje të veçantë.
“Pse nuk kandidoni për president të SHBA-ve?”, e pyeti Robert Rubin kryeministrin grek, me Mitsotakis që i shtangur iu përgjigj duke thënë: “Jam mirë në pozicionin tim”.
Pyetja surprizuese nga moderatori Rubin erdhi pak sekonda para mbylljes së debatit mes pjesëmarrësve.
Dialogu:
Robert Rubin: Kryeministër, keni qenë i shkëlqyer. Ne gjithmonë e përfundojmë bisedën në kohë. Më duhet të them, reagimi im përfundimtar është ky: Pse nuk po kandidoni për President të Shteteve të Bashkuara? Ne kemi pak problem kushtetues, por gjithsesi nuk i kushtojmë shumë rëndësi Kushtetutës këto ditë. Pra, ndoshta…
Kyriakos Mitsotakis: Jam mirë në pozicionin ku jam.
Robert Rubin: Ti je mirë aty ku je. Kjo është një përgjigje shumë e mirë.
Kyriakos Mitsotakis: Faleminderit!
