Federer, lamtumirë tenisit mes lotëve dhe emocioneve: “Nuk mund të isha më i lumtur”. Në Londër disfatë e dyfishtë me Nadalin
“Laver Cup” e luajtur në “O2 Arena” të Londrës ishte kompeticioni që do të shënonte fundin e një epoke plot shkëlqim dhe trofe në botën e tenisit, me zvicerianin Roger Federer që dorëzoi raketën pas një karriere të gjatë.
Dhe në aktin e fundit të karrierës së pabesueshme të kampionit zvicera askush nuk u interesua për rezultatin.
“Sigurisht, që jo!” do të thoshin 20,000 të pranishmit në O2 Arena, ku mbreti i tenisit botëror u përcoll me duartrokitje dhe emocion.
Të gjitha ovacionet ishin për një sportist që ka ndryshuar mënyrën e të kuptuarit të tenisit dhe jo vetëm.
Dhe në fund, rezultati nuk ka rëndësi (çifti amerikan Sock-Tiafoe fiton në super tie-break), por të gjithë qajnë dhe mes atyre që nuk mbajnë dot lotët është edhe rivali i tij i përjetshëm Rafel Nadal.
Në lot përveç Nadal dhe turmës londineze, janë edhe kundërshtarët, bashkëlojtarët e Team Europe dhe rivali tjetër historic Novak Gjokovic, familja e Roger dhe padyshim vetë ai.
An emotional final farewell.#LaverCup | @rogerfederer pic.twitter.com/lSZb9KfvbN
— Laver Cup (@LaverCup) September 23, 2022
Londinezët qëndruan në këmbë për një ovacion që zgjati disa minuta, ndërsa Federer i përqafoi të gjithë në fushë, duke luftuar për të mbajtur lotët, edhe në intervistën në fund të ndeshjes.
“Ishte një ditë e mrekullueshme, nuk jam i trishtuar – tha ai në fund të lojës, duke e ndërprerë shpesh intervistën për të fshirë lotët. Jam i lumtur që jam këtu, më pëlqeu të lidhja këpucët herën e fundit, e gjitha ishte një “hera e fundit”. Isha këtu me familjen, fansat, miqtë, nuk e ndjeva stresin. Kisha frikë nga dhimbjet e shpinës, por arrita në fund në një ndeshje të shkëlqyer, nuk mund të isha më i lumtur. Unë jam ndjerë gjithmonë pjesë e një ekipi, kam pasur gjithmonë një ekip që ka udhëtuar me mua dhe përfundimi i karrierës sime në një turne ekipor është një kënaqësi”, tha ylli zvicerian.
The one, the only @rogerfederer. #LaverCup pic.twitter.com/DIudykDUNn
— Laver Cup (@LaverCup) September 23, 2022
Pastaj pati një “faleminderit” për të gjithë: Mirkën dhe fëmijët në veçanti, me të cilët përqafimi është shumë i butë në fund të lojës dhe Federer që i pëshpërin bashkëshortes në vesh: Të dua!
Shfaqja në Londër ishte nderimi i merituar për mjeshtrin nga Bazeli, i cili largohet nga tenisi konkurrues pas mbi 1200 ndeshjeve të fituara, 103 titujve ATP, 20 Grand Slameve përfshirë tetë herë Ëimbledon dhe të mos harrojmë medaljen e artë olimpike në dyshe në Lojërat e Pekinit dhe “Davis Cup” e fituar në Lille në 2014.
Palmaret e jashtëzakonshme të një lojtari të jashtëzakonshëm, për talentin, hijeshinë dhe elegancën.
