Kryetari i Partisë Demokratike Sali Berisha ka shprehur ngushëllimet për ndarjen nga jeta të piktorit të njohur, Sali Shijaku.
“Nderim për piktorin e pavdekshëm Sali Shijaku! Të dashur miq, Sali Shijaku, mjeshtri i madh i pikturës dhe arteve pamore mbylli sytë përgjithmonë. Ndarja e tij nga jeta është një humbje e madhe për pikturën, artin dhe kulturën tonë.
Duke shprehur nderimin tim më të thellë për Sali Shijakun dhe trashëgiminë e tij artistike të pavdekshme i përcjell familjes, të afërmve dhe miqve të kollosit të pikturës dhe arteve pamore shqiptare, ngushëllimet më të ndjera dhe lutem që shpirti i tij të prehet në paqe. Amin”, shkruan Sali Berisha.
Homazhet për mjeshtrin e rrallë të pikturës shqiptare do të zhvillohen ditën e nesërme në hollin e Teatrit të Operas dhe të Baletit nga ora 10:00-12:00.
