Një zjarr i madh ka përfshirë kodrat e Margëlliçit në Patos.
Flakët janë përhapur në një sipërfaqe të madhe, ndërsa kjo është një zonë e kultivuar me ullinj.
Margëlliçi është zonë e banuar, ndërkohë që zjarri po përparon me shpejtësi edhe falë erës.
Raportohet se rrezikohet dhe një kabinë elektrike.
Kanë qenë banorë të zonës ata që kanë njoftuar forcat zjarrfikëse.
Pranë vendit të ngjarjes kanë mbërritur zjarrfikës të reparteve Patos, Roskovec e Albpetrol.
