Shorti i Kupës i përballi Demat me skuadrën e Orikut dhe në datën 28 shtator do të luhet ndeshja e parë. Sipas shortit, i takonte Orikut të priste Partizanin në shtëpi por pas kërkesës së jugorëve për zëvendësimin e stadiumeve, planet kanë ndryshuar. Oriku po rikonstrukton stadiumin e tij dhe kanë bërë një kërkesë në FSHF që ndeshja e parë të luhet me Partizanin si pritës.
Pritet përgjigjja e Partizanit ditën e sotme dhe sipas gjasave, në 28 shtator do të kemi inagurimin e Kompleksit Partizani më herët seç mendohej dhe tifozët e Demave do të hyjnë për herë të parë në një ndeshje zyrtare në shtëpinë e tyre.
