Kryeministri Edi Rama, në një intervistë për emisionin ‘Opinion’ komentoi sulmet kibernetike dhe publikimin e të dhënave të shqiptarëve.
I pyetur nëse a ka marrë Irani të dhëna sensitive të qytetarëve shqiptarë, Rama tha se kartat e ID-ve s’kanë asnjë vlerë.
“Numrat e kartave të ID janë një e dhënë pa vlerë për sa kohë ato kartat tona të identitetit nuk kanë brenda asgjë.
A është e rrezikuar Shqipëria nga një akt i mundshëm terrorist i Iranit?
Rama: Nuk kemi të dhëna që të ndihemi të rrezikuar, por regjimi i Iranit është i egër dhe mund të jetë i paparashikueshëm. Ne jemi në komunikim të vazhdueshëm, kemi nevojë për të përshpejtuar planin e mbrojtjes kibernetike, për këtë arsye i jemi drejtuar partnerëve. Bëhet fjalë për një financim shumë të kushtueshëm kur kemi edhe shumë probleme të tjera. Jemi në rrugë të mbarë për të ndërtuar me një shpejtësi të arsyeshme gjithë sistemin kibernetik.
