Një ngjarje e rëndë ka ndodhur ditën e djeshme në Angli, ku një 15-vjeçar është sulmuar me thikë.
I riu është goditur disa herë me thikë në momentin që po kthehej nga shkolla nga një 16-vjeçar tjetër..
Moshatari i tij që kreu krimin është arrestuar dhe policia ka nisur një hetim për vrasjen pas incidentit.
Sipas Daily Mail, sulmi ndodhi pak para orës 15:00 afër North Huddersfield Trust School.
Një nga prindërit, dëshmitar në ngjarje tha se fëmija ishte sulmuar disa herë me thikë në mënyrë të përsëritur.
15-vjeçari u transportua me ambulancë në spital, por fatkeqësisht u shpall i vdekur më vonë, ndërsa autori adoleshent është arrestuar pak para mëngjesit të sotëm.
