Quhet Erling Haaland dhe sot e njohin dhe e dëshirojnë të gjithë, por nuk ka qenë përherë kështu, madje 5 vite më parë kishte edhe nga ata që e refuzonin.
Bomberi norvegjez që ka shënuar 14 gola në 10 ndeshje me fanellën e Manchester City këtë sezon dhe mbylli një kapitull të lavdishëm në Dortmund, në moshën 18-vjeçare është përballur me një refuzim brutal që gjithsesi nuk e kushtëzoi aspak karrierën e tij, madje e bëri më të etur për për t’u treguar të tjerëve që gaboheshin dhe rëndë madje.
Në Angli ka nisur të qarkullojë një lajm që sigurisht nuk do t’u pëlqejë shumë tifozëve të Manchester United. Sipas “The Atletic”, bashkëkombasi i tij, Ole Gunar Solskjaer, përpara se të bëhej trajner, ua ka rekomanduar drejtuesve sulmuesin në moshën 18-vjeçare duke ia këshilluar klubit blerjen e tij por presidenca vendosi që të mos futej në bisedime. Sigurisht që ky është një gabim i madh duke parë sot nga largësia e 5 viteve se sa i fortë është bërë sulmuesi i rivalëve të Manchester United.
