Ish-banorja e “Big Brother Vip”, këngëtarja Xheisara Frisku ishte mjaft e komentuar, jo vetëm për lojën e saj në reality-show por edhe për jetën e saj private.
Së fundmi Xheisara rrëfeu se emri që ne dimë për të nuk është emri i saj, ajo në të vërtetë quhet Sara, por nga pëlqimi i madh për këngëtaren Xhesi Xhei (Jessie J), i ka shtuar emrit të saj edhe emrin Xhei përpara.
Gjatë një interviste për emisionin “Rudina”, Xheisara foli gjithashtu në lidhje me martesën e shumëkomentuar. Ish-banorja e “Big Brother Vip” tregoi se është martuar dhe divorcuar për një vit, në ditën e përvjetorit të martesës.
Pjesë nga intervista:
Pyetje: Ke thënë që je martuar, nuk e di ka qenë shaka apo e vërtetë, më pas ke thënë që je ndarë, si ka qenë historia?
Xheisara: Është një gjë që realisht nuk do doja ta flisja fare. Jam martuar dhe jam ridivorcuar. Ishte një dasëm e lezetshme.
Pyetje: Sa kohë ka që ka ndodhur dasma?
Xheisara: Një vit. Për një vit u pendova.
Pyetje: Domethënë je divorcuar së fundmi.
Xheisara: Po.
Pyetje: Domethënë sa kohë qëndrove e martuar gjithsej?
Xheisara: Një vit.
Pyetje: E bëre një vit të plotë të paktën.
Xheisara: Sapo kam bërë një vit thash unë…
Pyetje: Ta festosh me një divorc përvjetorin e martesës.
Xheisara: Në të njëjtën ditë e lashë.
Pyetje: Po pse kaq shpejt?
Xheisara: Realisht nuk do doja të flisja fare për këtë pjesën. Unë jam shpirt i lirë nuk më lidhen kollaj këmbët.
