Nga Boldnews.al
Shteti u vetëofrua… Në fillim u vesh provokueshëm duke “zbuluar” pjesët intime dhe lënë vetëm një gjethe fiku. Më pas edhe atë e hoqi, nuk e kuptoi që krejtësisht pa dashje e gjeti veten në një motel dhe tani po ankohet se e “përdhunuan në grup”. Ama vetë shteti e ka gjetur një zgjidhje. Nuk ka problem që u përçudnua, duke mos ngelur “hakerues” pa depërtuar thellë e më thellë në pjesën sensitive. Puna tani është që të mos shkruhet se “u përdhunua”, e as se shkoi me qejf në këtë kabare kibernetikë, duke thyer çdo kod, që ngjante si mentel i hollë në trupin e serverit shtetëror që edhe kur e depërtuan thellë e më thellë krenoheshin se: “Nuk ia arritën qëllimit dhe i zmbrapsëm”.
Tanimë na doli që “FAKTI” jo vetëm ishte brenda, por hynte e dilte lirshëm në zgavrat e lyera me vazelinë të kurvoshtetit të rilindur nga Rama dhe të singjashmit e tij. Asgjë nuk ka mbetur pa iu bërë. Në fillim ishin patronazhistët e Partisë Socialiste (Rilindjes) që nxorën të dhënat e afër një milion shqiptarëve. Numrat e telefonit, adresën e banimit, qendrën ku votonin, punën që bënin dhe padyshim edhe bindjet politike. “Jam krenar për patronazhistët”, tha Rama. (Ishte pjesa ku ishte penetrues).
Iku kjo pjesë dhe prokuroria as edhe një person të vetëm nuk ka proceduar për këtë dhunim masiv ndaj qytetarëve shqiptarë. Më pas dolën edhe pagat, sa merrnin dhe ku i merrnin. “Nuk ka problem, sepse kjo na ndihmon për të kuptuar se nuk deklarohen pagat reale”, tha Rama. Më vonë, lirshëm dolën targat dhe llojet e automjeteve që kishte çdo shqiptar. Sërish jo problem për qeverinë.
Kur dhunohen qytetarët nuk është problem, por kur karma kthehet, sërish nuk është problem sepse janë mësuar me depërtime hakëruese, ama çështja është që mos të tregohet se u shkalafit në grup kjo hijeshi qeveritare. (Ishte pjesa kur ishte i penetruar) Kjo ka ndodhur me sulmet më të fundit që dyshohet se erdhën nga një grup hakerash nga Irani.
Në duart e hakeruesve mund të jenë edhe më shumë ngase kanë nxjerrë, por edhe këto që janë publikuar janë skandali më i madh që i ka ndodhur vendit, duke i ngjarë “Defterhaneve” (zyrave kadatsrale” në vitin 1914 dokumentet e së cilës u morën dhe shërbenin o për të ndezur zjarrin ose si letra për higjienë pas ferrave. “Me sulme kibernetike bëhen edhe filma”, mund të argumentojë me ekspertizë të plotë një ministre.
Fakt është se mbrojtja e të dhënave dixhitale ishte në nivele skandaloze, aq sa arritën të depërtonin deri në komunikimet elektronike të Policisë së Shtetit e madje edhe në sistemin TIMS. Janë shpenzuar 205 milionë euro për mbrojtjen e të dhënave digjitale, por kjo vlerë kaq e madhe shkoi vetëm për “mantelin e hollë” të shtetit që u vëtëzbulua në këtë “dhunim me dëshirë”. Janë pesë raste të sulmeve kibernetike. Po mesa duket serverat shtetërorë janë vetëofruar që të depërtohen përsëri e përsëri në kabarenë e orgjisë kibernetike. Ama heshtje! Kush tregon nudon që mban mbi vete kalërimin e hakëruesve do të dënohet dhe procedohet nga Prokuroria e Tiranës. (Prokuroria e tredhur)
E rëndësishme është që ajo të cilësohet si e “dhunuar” nga armiq që po e mbarsin me pahir ndershmërinë e pushtetit që hoqi çdo mbrojtje dhe sërish thotë: “I zmbrapsëm, ata nuk ia arritën qëllimit”.
Çdo gjë do të harrohet sepse e hijshmja qeveri do të dalë nga kabareja e veshur mirë me rroba “Made in USA”, madje të kyçura me dry në pjesën sensitive për të parakaluar si një virgjëreshë që vërtetë punoi shumë kohë në një kabare publike në duart e hakerave por ata nuk ia arritën që të depërtonin në më shumë se tre të çara…, veshët i kemi në rregull do dëgjojmë të tjera perla qeveritare: “nuk ia arritën qëllimit, i zmbrapsëm”.
