Rojat e nderit të mbretërisë britanike, që ishin përgjegjës për ruajtjen e arkivolit të Elizabeth II, janë fotografuar duke pushuar gjatë pauzës.
Rojet e nderit të pallatit mbretëror janë të njohur me nofkën “beefeaters”, dhe kanë pasur një detyrë të veçantë. Ata ishin përgjegjës që për 24 orë të kujdesen për arkivolin që u vendos në pallatin e Westminster, ku çdo 20 minuta ndërroheshin gjatë orarit gjashtë orësh.
Në Twitter po qarkullojnë fotografitë, që shfaqin rojat gjatë pauzës duke u çlodhur në karrige dhe me gjysmën e rrobave zyrtare të zhveshura.
Për disa roja të angazhuar në këtë mision ka qenë një punë e rëndë, pasi në disa raste janë parë duke u rrëzuar dhe humbur vetëdijen nga lodhja.
Paga për një pozitë të tillë për një vit shkon deri në rreth 30 mijë funte, e përveç punës u garantohet edhe apartamenti – ku shumë akomodohen në to me familjet e tyre.
Nga këto roje kërkohet që fillimisht të kenë 22 vite përvojë si ushtarak, dhe kandidati gjithashtu duhet të ketë medalje për shërbimin shumëvjeçar dhe sjelljet e mira.
Ata zakonisht punojnë 37 orë në javë, dhe shpesh edhe gjatë fundjavave. Pushimi i tyre vjetor zgjat 24 ditë, ku me kalimin e viteve si përvojë pune në roje nderi këto ditë të pushimit shtohen.
The UK Armed Forces are continuing to honour their Commander-in-Chief of 70 years, Her Majesty The Queen, as they stand vigil alongside The King’s Body Guard. pic.twitter.com/1iJi4xGGbJ
— Ministry of Defence 🇬🇧 (@DefenceHQ) September 18, 2022
