Deputeti grek i Demokracisë së Re, Theodoros Karaoglou në një postim në mediat e tij sociale ka bërë të ditur se është diagnostikuar me kancer të gjirit
Ai ndau me ndjekësit e tij se rastësisht, disa ditë para dasmës së djalit të tij ai mësoi se gjërat nuk po shkonin mirë me shëndetin e tij.
Diagnoza ishte “kanceri i hershëm i gjirit”. Siç thekson deputeti, askush në fund të fundit nuk është i paprekshëm, ndërkohë që shtoi se nuk duhet harruar të bëhen analizat parandaluese.
“Tumori i vogël u hoq dhe analizat histologjike treguan se e keqja mbaroi këtu! Sigurisht, kërkohet një kontroll parandalues në intervale kohore të paracaktuara. Por mësimi i problemit shëndetësor me të cilin u përballa është se nuk duhet të marrim asgjë si të mirëqenë,” shkroi ai ndër të tjera në postimin e tij.
