Kryetari i Partisë Demokratike, Sali Berisha ka publikuar videon ku paraqitet momenti kur skeptri, kurora dhe rruzulli i merren Mbretereshës Elizabeth II para vendosje së saj në banesën e fundit.
“Te dashur miq, Mbreti Charles i III, Britania e Madhe, kombi i saj dhe mbi 500 dinjitare me te larte te planetit si dhe qendra milione admirues nga mbare bota moren pjese apo percollen ne televizione ceremonine me madheshtore te kohrave, ate te lamtumires se fundit te Elizabetes se II, mbretereshes me jetegjate, me te dashur dhe me te respektuar ne vendin e saj dhe ne boten. Ne kete video te marre nga BBC paraqitet momenti kur skeptri, kurora dhe rruzulli i merren Mbretereshes para vendosje te saj ne banesen e fundit”, shkruan Berisha.
Në fund pas një protokolli zyrtar, Mbretëresha Elizabeth II varroset në një ceremoni private në foltoren e Shën Xhorxhit, pranë burrit të saj të ndjerë, Princit Philip. Në pllakën prej mermeri në varrin e saj do të gdhendet: Elizabeth II 1926-2022.
