Gazetari Klodian Tomorri me anë të një postimi në FB, ka treguar se Parku po “zhduket”. Tomorri ka denoncuar se pas Parkut tek ish Sheratoni, tani qeveria po shkatrron gjithë pjesën nga Garda deri tek Diga.
“Pas masakrës që i bënë Parkut aty tek ish Sheratoni, tani kanë filluar të shkaterrojnë gjithë pjesën poshtë nga Garda deri tek Diga. Janë disa hektarë Park që po zhduken. Nuk dihet sa leje janë dhënë aty.”, shkruan Tomorri.
Gazetari vijon me tej duke thënë se kanë filluar ndërtimin e 2 kulluave por nuk kanë vendosur tabel që e tregon këtë gjë pasi kanë frikë mos bëhet zhurmë.
“Kanë filluar sakaq ndërtimin e 2 kullave 33 kateshe brenda Parkut, por nuk i vënë tabelë se kanë hall që të mos bëhet zhurmë. E gjithë ajo zona mes Gardës dhe Diges po shndërrohet në një tmerr te madh betoni. Të dhemb shpirti kur e sheh cfarë po bëjnë aty. Si talebeane. Ai nuk është krim. Aty po bëhet terrorizem mjedisor, urbanistik, quajeni si të doni. Ndërkohë populli sheh cdo ditë në televizor miliona ore kronikash se si Lali po mbjell pemë nepër Tiranë. Dhe me e bukura është se ato kronikat paguhen po me paratë e popullit. Po si nuk kane din e iman? 2 meter park në një qytet 1 milionë banore dhe edhe atë e hengrën. Nuk paskan të ngopur.
Ndërkohë ky shefi i Spak-ut, kur e pyesin; do lesh ndonjë gjurmë se te mbaroi mandati duke ngrenë bukë kot pergjigjet; ah tek dosja e Ilir Metes jam futur vet në hetim. Dmth ketij i duket hall i madh nëse ka bërë apo jo fukslleqe Ilir Meta para 40 vjetësh. Futu dhe tek ndonjë dosje e Ahmet Zogut je qe je. Ndalo njëherë te dëmet që bëhen tani o zotri, pastaj coje tek History Channel dhe shiko cfarë te kesh qejf”, e mbyll postim Tomorri.
