Mesfushori sulmues i Benfica-s, Rafa Silva (29 vjec) njoftoi të hënën se kishte vendosur t’i jepte fund karrierës së tij ndërkombëtare. Rafa Silva ka veshur 25 herë fanellën e Seleção-s pa arritur asnjëherë të gjejë rrjetën.
Në përzgjedhje, ish-lojtari i Bragës grumbulloi Euro 2016 dhe Ligën e Kombeve në 2019. “Sot informova trajnerin Fernando Santos dhe FPF-në për mungesën time për të përfaqësuar kombëtaren. Mendoj se është një vendim i ndershëm dhe i drejtë, në këtë moment të karrierës sime.
Kërkoj që arsyet, të natyrës personale, të respektohen nga të gjithe”, tha ai. Pavarësisht dëshirës së FPF-së për ta parë atë të vazhdojë, Rafa Silva nuk do të luajë më në përzgjedhje. Ai ishte ftuar edhe nga Fernando Santos për grumbullimin e radhës të Portugalisë, me rastin e Ligës së Kombeve.
Futbollisti, kampioni i Evropës dhe fituesi i Ligës së Kombeve, në deklaratën e tij ka kërkuar që motivet e tij të “respektohen nga të gjithë”, duke e konsideruar se është “një vendim i ndershëm dhe i drejtë, në këtë pikë të karrierës së tij”.
“Kam përfaqësuar ekipet kombëtare në 40 raste, kam ndihmuar për të fituar Euro 2016 dhe Ligën e Kombeve dhe do të jem gjithmonë në rreshtin e parë duke mbështetur ekipin e të gjithëve ne Ligen e Kombeve dhe Kupa e Botës 2022”, shtoi Rafa Silva në deklarata.
Rafa anunciou o fim da sua carreira internacional por Portugal devido a motivos pessoais. pic.twitter.com/ZnJvDURSjS
— B24 (@B24PT) September 19, 2022
