Grupi i hakerave “Homeland Justice” ka publikuar në rrjetet sociale një sërë dokumentash këtë të Hënë.
Ata kanë publikuar shkresën e Drejtorisë së Kufirit dhe Migracionit në Vlorë, ku është firmosur dhe vulosur dëbimi i një shtetasi rus.
Ngjarja ka ndodhur më 10 maj të vitit 2021. Georgi Budavov është rus i dëbuar nga autoritetet shqiptare pas dyshimeve për spiunazh.
“Nuk plotëson kushtet e nevojshme për qëndrim në Shqipëri”, thuhet në shkresë.
Ditën e sotme janë publikuar një sër dokumentash që vlerësohen si “sekret”. Një prej tyre është një shkresë e firmosur nga Ministri i Brendshëm Bledi Çuçi, me afat të ruajtjes së klasifikimit 15 vjet.
Me shkresën e datës 7 Prill 2021, ministri Çuçi urdhëronte shpalljen non grata të dy personave, një 46-vjeçar me kombësi turke dhe një shtetase me kombësi kurde, por vendlindje në Gjermani.
