Shirat e rrëmbyeshëm kanë përmbytur dhe Gjakovën me rrethinat e saj.
Lagjet janë mbushur me shumë ujë teksa është e pamundur të kalosh.
Njerëzit shihen duke ecur në ujë dhe niveli i ujit arrin deri te dyert e makinave.
Uji ka depërtuar edhe nëpër shtëpitë e qytetarëve atje.
Në FB janë postuar disa video ku shihen vërshime nga reshjet e shiut në fshatrat Denjë dhe Fortesë, në Rahovec.
Në mbishkrimin e videos të vërshimeve në fshatin Denjë, thuhet “Vërshime drejt një katastrofe natyrore, zyrtarët shtetëror siç duket ende në gjumë. Reshjet e dendura në 12 orët e fundit në Dejne…”
Një situatë e rënduar paraqitet dhe në vendin tonë ku shumë qytete dhe fshatra janë përmbytur.
