Këshilltari i shtypit i një prej mafiozëve më të mëdhënj turk Sedat Peker, Emre Olur, është fshehur në Shqipëri.
Lajmin është bërë i ditur nga gazetari investigativ turk Erk Acarer i cili shkruan se Olur tre ditë më parë ka udhëtuar drejt Emirateve të Bashkuara Arabe ku ka qëndruar për tre ditë dhe më pas është kthyer në Shqipëri.
Acarer shkruan se në Shqipëri Olur u kthyer me një avion nga Serbia pastaj mbërriti në Shqipëri duke mos kryer asnjë procedurë.
Lidhur me këtë kanë reaguar edhe avokatët e Olur të cilët shprehet se vendimi për depërtimin e Olur në Turqi janë shkelur të drejtat e njeriut dhe se kjo është e padrejtë dhe në kundërshtim me ligjin pasi ai ka nënshtetësinë shqiptare.
Gazetari shkruan se atij i ishte dhënë nënshtetësia shqiptare së bashku me familjarët e tij. Ndërkohe Sedat Peker ka hedhur akuza të forta ndaj qeverisë lidhur me këtë çështje.
Mësohet se tani Emre Olur po mbahet në paraburgimin e Komisariatit të Rinasit deri në sqarimin e plotë të procedurë që duhet ndjekur.
Kush është Sedat Peker?
Peker është i njohur për deklaratat e tij të ashpra nacionaliste, kërcënimet grafike dhe, për një periudhë kohe, për lavdërimin e qeverisë me rrënjë islamike nën drejtimin e Erdoganit.
Ai ka kaluar dy vitet e fundit në Mal të Zi, Kosovë dhe Maqedoninë e Veriut, ku gjithashtu ka pasur një përplasje me ligjin.
Bir i një familje emigrantësh me origjinë nga Kaukazi, Peker u arrestua në 2005 dhe u dënua në 2007 për krijimin dhe drejtimin e një organizate kriminale, grabitje dhe falsifikim. Ai u dënua me 14 vjet burg, i cili më vonë u ul në 10.
I liruar në vitin 2014, Peker u bë një mbështetës i zëshëm i Erdoganit, duke përdorur rrjetet sociale për të komentuar mbi nacionalizmin dhe historinë turke dhe për të bërë kërcënime kundër intelektualëve, politikanëve të opozitës dhe rivalëve kriminalë.
Peker mburret me më shumë se 1,6 milion ndjekës në Facebook, gati një milion ndjekës në Instagram, më shumë se 215,000 në Twitter dhe gati 100,000 në YouTube.
Në 2016, ai doli në gjyq për një kërcënim kundër një grupi akademikësh të cilët kishin nënshkruar një peticion që kërkonte t’i jepte fund konfliktit gati katër dekadash midis forcave qeveritare dhe Partisë të Punëtorëve të Kurdistanit, PKK.
“Do t’jua derdhim gjakun lum dhe do të lahemi në gjakun tuaj”, tha Peker në një mesazh të postuar në llogaritë e tij në rrjetet sociale. Një gjykatë e liroi Pekerin nga çdo keqbërje në korrik 2018.
Ai gjithashtu ka shënjestruar kritikët dhe kundërshtarët e sundimit gjithnjë e më autoritar të Erdoganit. Në korrik 2017, ai kërcënoi se do të varte në stizat e flamujve dhe në pemë çdo anëtar të lëvizjes Gulen e akuzuar nga autoritetet se organizoi një grusht shteti të dështuar një vit më parë.
Peker u takua me Erdoganin në një pritje në 2015, ku biseduan dhe bënë fotografi.
Por duket se ai nuk u pa me sy të mirë dhe në vitin 2019 Peker njoftoi se ishte vendosur në Malin e Zi për arsim dhe qëllime biznesi. Ai hodhi poshtë çdo raportim se kundër tij ishte lëshuar një urdhër arresti.
“Nuk u arratisa nga Turqia, u vendosa jashtë vendit”, shkroi Peker në faqen e tij të internetit.
Ai për herë të fundit e vizitoi Turqinë në vitin 2020, por u detyrua të priste për orë të tëra nga policia kufitare në aeroportin e Stambollit. Në atë kohë, Peker akuzoi dhëndrin e Erdoganit dhe ministrin e atëhershëm të financave të Turqisë, Berat Albayrak, se donin ta fusnin atë pas hekurave.
