Një 57 vjeçar nga Patosi në gjendje të dehur është futur në stacionin e policisë dhe ka kanosur efektivin që ndodhej në shërbim.
Video e futjes së 57 vjeçarit është publikuar në rrejtet sociale. Dhe për këtë qëllim policia ka dalë me një sqarim duke bërë të ditur edhe faktin se ai është shoqëruar për veprime të mëtejshme.
Njoftim
Në lidhje me një video të publikuar në rrjetet sociale ku shfaqet një shtetas në ambientet e stacionit të Policisë Patos, duke u konfliktuar me punonjësin e Policisë, ju sqarojmë se:
Shtetasi B. H., 57 vjeç, banues në Rërës, Patos, në gjendje të dehur, ka shkuar në Stacionin e Policisë Patos, dhe ka kanosur me një palë gërshërë punonjësin e Policisë që ishte me shërbim, shtetasin B. K., 54 vjeç, banues në Fier.
57-vjeçari u shoqërua në ambientet e Komisariatit të Policisë Fier dhe po kryhen veprimet nga OPGj i Prokurorisë për arrestimin në flagrancë të tij për veprën penale “Kanosja për shkak të detyrës”
