Edicioni i parë i “Big Brother Vip” Kosova pritet të filloi së shpejti. Të shumtë kanë qenë emrat e përfolur për të qenë banorë të shtëpisë së famshme, mes të cilëve dhe këngëtari Yll Limani.
Lidhur me këtë ka folur njëri prej prezantuesve të formatit, Alaudin Hamiti. I ftuar në “Podcast me Gonxhen”, ai u ndal tek Ylli Limani.
“Yll Limani është një prej atyre që e adhuron këtë format. Sa herë kemi folur me Yllin, ka thënë nëse s’do të kisha koncerte, kisha ardhur. Kisha hyrë, po s’e di a më lënë të shtëpisë”, është shprehur prezantuesi.
Moderatori ka treguar dhe një situatë të vështirë që ka përjetuar. Alaudini tregoi se nuk e priti mirë kur u diagnostikua me diabet.
“Pasi i bëra 40 vite vendosa të bëj një një kontroll të përgjithshëm dhe kur bëra ‘check up’-in i pyesja doktorët vazhdimisht ‘ma shikoni zemrën’. Ata më thanë se zemra ime ishte shumë mirë or kishte dalë diçka tjetër, kisha diabet. Jo që mu shemb toka por e mora shumë rëndë të them të drejtën madje ika në një laborator tjetër ta bëj edhe njëherë për ta rikonfirmuar dhe më thanë ‘po ka dalur më i lartë’. Dhe doja të dija më shumë rreth saj dhe pyesja. Tani kujdesem shumë për ushqimin, vdes për ëmbëlsira. Kam humbur peshë rreth 14-15 kilogramë gjatë asaj periudhe dhe kam filluar palestrën dhe po e mbaj nën kontroll dhe nëse nuk i qëndron gati mundesh të kesh goxha pasoja shumë të mëdha. Nëse kujdesesh dhe e mban nën kontroll, ke plot shembuj të njerëzve që jetojnë shumë gjatë. E gjitha është të bësh kujdes në ushqime dhe të ushtrohesh në palestër”, theksoi moderatori.
