Ministria e Drejtësisë ka hedhur për konsultim publik ndryshimet në kodin penal.
Në ndryshimet e propozuara, qeveria kërkon ashpërsim të ligjit për përsëritësit e krimeve. Kërkohet dyfishim i dënimit kur krimi është i përsëritur ose kryhet 5 viteve nga dënimi i parë.
Kërkohet që të shtohet masa e dënimit me 1/3 kur një i dënuar kryen një tjetër krim me dashje.
Po ashtu, për krimet e rënda nuk do të ketë gjykim të shkurtuar. Këto ndryshime përfshijnë edhe autorët që kryejnë dhunë në familje dhe për autorët që kryejnë krime ndaj fëmijëve.
Propozimet për ndryshime në kodin penal vijnë pasi në procesin e Këshillimit Kombëtar të kryer në fillim të vitit, sipas qeverisë m qytetarët ishin pro ashpërsimit të dënimit për personat që kryejnë krime të rënda. Pas konsultimit publik, propozimet do të kalojnë në komisione më pas për votim në parlament.
