Kuvendi ditën e sotme nis me një minutë heshtje në nder të Mbretëreshës, Elisabeth II e cila ndërroi jetë më 8 shtator.
“Mirënjohje për kontributin e madhërisë së saj, rezultati i këtij bashkëpunimi. Këto ditë zie simbolizojnë kujtimin e madhërisë së saj, të ndjerës Elizabetha II. Në këtë seancë është i pranishëm dhe ambasadori i madhërisë Charles III, mirëserdhët zoti Alastair King Smith,”- tha Nikolla.
Gjithashtu në Kuvend ishte i pranishëm edhe ambasadori britanik Alastair King Smith. Gjatë seancës së sotme pritet të diskutohet edhe lidhur me ratifikimin e një marrëveshje për shkëmbim informacioni mes autoriteteve shqiptare dhe britanike sa i takon migracionit të paligjshëm të shqiptarëve në Mbretërinë e Bashkuar.
Funerali i Mbretëreshës Elizabeth II do të mbahet më 19 shtator, ditë e cila është shpallur nga Mbreti Charles III ditë pushimi zyrtar.
