Pjesa e parë e Milan-Dinamo Zagreb, ndeshje e vlefshme për javën e dytë të Grupit E të Champions League, është mbyllur 1-0 në favor të kuqezinjve.
Goli që ka zhbllokuar ndeshjen ka ardhur në minutën e 45-të dhe është shënuar nga Olivier Giroud, i cili ka ekzekutuar në mënyrë perfekte një penallti të fituar nga Rafael Leao.
Vazhdon momenti i mirë për sulmuesin francez, i cili ka qenë heroi i Djallit edhe në ndeshjen e kampionatit të fituar të shtunën në fushën e Sampdoria-s me rezultatin 2-1.
Në rast se rezultati do të mbetet i pandryshuar, kuqezinjtë do të merrnin kreun e grupit në pritje të ndeshjes që do të luhet në mbrëmje mes Chelsea-t dhe Salzburg.
