Sipas Le Monde, Mathias Pogba u dorëzua të mërkurën në polici në lidhje me hetimin e zhvatjes së armatosur të organizuar kundër vëllait të tij, francezit Paul Pogba.
Midis së martës dhe të mërkurës së kësaj jave, tre të dyshuar të tjerë janë ndaluar në lidhje me tentativën për zhvatje të Pogba nga Prokuroria Parisit. Le Monde kontaktoi avokatët e Paul dhe Mathias, të cilët ende nuk janë përgjigjur për këtë çështje.
Pas hapjes së hetimit zyrtar nga prokurorët e Parisit më 2 shtator, ky është zhvillimi i parë domethënës në lidhje me këtë çështje.
France Info raportoi se Paul Pogba informoi hetuesit e policisë se vëllai i tij, Mathias, ka qenë pjesë e një përpjekjeje të përbashkët për t’i bërë shantazh atij për 13 milionë euro.
Çështja doli në dritë përmes publikimit të një videoje në rrjetet sociale nga Mathias Pogba, i cili pretendonte se do të bënte me zbulime të mëdha për vëllanë e tij, Kylian Mbappe dhe Rafaela Pimenta.
Ky njoftim i sulmuesit u pasua më pas të dielën nga një komunikatë zyrtare nga përfaqësuesit e Paul Pogba, duke pohuar se ish-lojtari i Manchester United ishte aktualisht subjekt i një tentative shantazhi.
Që atëherë është konfirmuar se prokurorët francezë kanë hapur një hetim për “tentativën e shantazhit të mundshëm nga një bandë e organizuar”.
Mathias Pogba më pas shkoi në rrjetet sociale për të pretenduar se media po përpiqej t’i shtrembëronte gjërat dhe se vëllai i tij ka gënjyer autoritetet italiane.
Gjatë intervistave të ndryshme me autoritetet, Paul Pogba mësohet të ketë thënë se ishte bllokuar nga miqtë e fëmijërisë dhe dy persona me kapuç të armatosur me pushkë sulmi gjatë një incidenti në Paris.
Një bandë që i kërkonte 13 milionë euro, pjesë e së cilës do të ishte edhe vëllai i tij Mathias Pogba. Kampioni i botës 2018 pretendon se është viktimë e kërcënimeve dhe tentativës për zhvatje nga vëllai i tij i madh dhe miqtë e fëmijërisë.
