Kreu i Partisë së Lirisë, Ilir Meta u shpreh se Rama është në krye të një organizate kriminale në emision televiziv në RTV Ora.
Ai tha se Rama i hapi rrugë aferës së inceneratorëve me 14 vendime brenda një dite, duke shtuar se edhe Veliaj është përgjegjës duke firmosur në emër të këshillit bashkiak.
“Rama është në krye të një organizate kriminale sepse është vullneti i tij që janë bërë 14 vendime brenda ditës që i kanë hapur rrugën këtij procesi dhe janë kundërshtuar nga një ish-ministër financash. Sa i takon aferës së Tiranës kemi një firmë në kundërshtim me ligjin nga kryetari i bashkisë që ka rrëmbyer kompetencat e këshillit bashkiak. Me një firmë ai ka futur në borxh qytetarët e Tiranës për 30 vite, kur atje nuk ekziston incineratori. Shërbimet dhe investimet atje nuk ekzistojnë dhe paratë janë marrë nëpër banka duke vënë koletaral pronat e shtetit”, tha Meta.
