Një aksident i rëndë ka ndodhur mesnatën e djeshme në Shëngjin.
Shoferi i motorit ka humbur kontrollin dhe për pasojë është përplasur me shtyllën e energjisë elektrike. Menjëherë banorët lajmëruan autoambulancën dhe 37-vjeçari i plagosur është dërguar me urgjencë në Spitalin Rajonal të Lezhës.
“Në Shëngjin, shtetasi Sh. M., 37 vjeç, banues në Kosovë, dyshohet se ka humbur kontrollin mbi drejtimin e motoçikletës me të cilën po lëvizte dhe për pasojë është rrëzuar. Aktualisht, shtetasi Sh. M, ndodhet në spital, nën kujdesin mjekësor”, thuhet në njoftimin e policisë.
Behet me dije se i plagosuri është një shtetas kosovar i cili po kalonte pushimet në qytetin bregdetar. Policia ka mbërritur në vendin e ngjarjes dhe po hetojnë shkaqet e aksidentit.
