Një sipërfaqe prej dy hektarësh me pisha është përfshirë nga flakët në kodrat e fshatit Peshtan në Fier.
Zjarri ka rënë rreth 17:00 të pasdites së djeshme por është riaktivizuar sërish mëngjesin e sotëm, ka thënë kryeplaku i fshatit Petrit Mucaj.
Kjo nuk është hera e parë që kodrat e fshatit Peshtan përfshihen nga flakët, duke shkaktuar dëme të konsiderueshme jo vetëm në pisha, por edhe ullishte.
Ndërkohë zjarri është i vështirë të vihet në kontroll pasi po favorizohet nga era.
