Triumfi 0-4 i Club Brugge ndaj Portos në “Dragao” ishte padyshim surpriza më e madhe e mbrëmjes së sotme në Champions. Rrugën e rrjetës në këtë duel e gjeti edhe talenti Antonio Nusa.
I hedhur në fushë në minutën e 75-të, talenti norvegjez, arriti të shënonte golin e katërt në minutën e 89-të, duke vendosur një rekord historik. Vetëm 17 vjeç e 189 ditë, Antonio Nusa është lojtari më i ri që ka shënuar në debutimin e tij në Champions, duke shënuar kështu emrin me germa të arta në historikun e kompeticionit më të rëndësishëm për klube.
