Armenia dhe Azerbajxhani kanë raportuar për përleshje të reja kufitare duke shkaktuar disa të vdekur.
Ministria e Mbrojtjes e Armenisë njoftoi se pas mesnate, në orën 00:05 të datës 13 shtator, forcat e armatosura të Azerbajxhanit filluan sulme me artileri të rëndë dhe armë të kalibrit të rëndë kundër pozicioneve të ushtrisë armene pranë rajoneve Goris, Sotk dhe Jermuk.
Nga ana e saj, Ministria e Mbrojtjes e Azerbajxhanit njoftoi se forcat e saj nisën sulmet në shenjë hakmarrjeje për minimin e zonave nga armenët në Dashkasan, Kalbazar dhe Lacin.
Mediat e huaja shkruajnë se janë shënuar viktima nga të dyja palët. Marrëdhëniet midis dy ish-republikave sovjetike janë tensionuar që nga viti 1991 për zonën e diskutueshme të Nagorno-Karabakut. Konflikti për kontrollin e saj u përshkallëzua në vjeshtën e vitit 2020, kur shpërtheu një luftë 44-ditore, gjatë së cilës forcat azerbajxhane morën kontrollin e disa sektorëve.
Lufta përfundoi falë një marrëveshje paqeje të ndërmjetësuar nga Rusia, por Baku dhe Jerevani herë pas here kanë akuzuar njëri-tjetrin për shkelje të armëpushimit përgjatë kufirit.
❗️Azerbaijani Armed Forces began intensive shelling of Armenian positions
It is reported that Azerbaijani Armed Forces are striking settlements along the border with Armenia with artillery, mortars and drones.The defense ministries of both countries have confirmed clashes.
1/3 pic.twitter.com/4Mc526NSUr— NEXTA (@nexta_tv) September 12, 2022
