Autoritetet e larta në Shtetet e Bashkuara të Amerikës kanë reaguar për sulmet e mbrëmshme përgjatë kufirit mes Armenisë dhe Azerbajxhanit ku raportohet për disa viktima.
Sekretari amerikan i Shtetit, Antony Blinken ka kërkuar nga dy palët që t’i japin fund konflikteve të dhunshme mes tyre.
“Siç e kemi bërë të qartë prej kohësh, nuk mund të ketë zgjidhje ushtarake për konfliktin,” tha Blinken në një deklaratë.
“Ne kërkojmë që menjëherë t’i jepet fund çdo armiqësie ushtarake” shtoi Blinken.
Përleshjet shpërthyen midis trupave të Azerbajxhanit dhe Armenisë, njoftuan agjencitë e lajmeve herët të martën, në një rifillim të armiqësive dekada të vjetra të lidhura me territorin e diskutueshëm të Nagorno-Karabakut.
Azerbajxhani, i cili rivendosi kontrollin e plotë mbi territorin në një konflikt 6-javor në vitin 2020, pranoi viktima midis forcave të tij. Armenia nuk përmendi humbje, por tha se përleshjet vazhduan gjatë natës.
