Pas vdekjes së Mbretëreshës Elisabeth II kanë filluar përgatitjet për ceremoninë e funeralit të saj që do të zhvillohet në Londër. Forcat speciale SAS dhe mbi 10.000 efektivë policie do të sigurojnë perimetrin në 19 shtator.
Snajperët e policisë janë rreshtuar në çatitë në Edinburg ,ndërsa oficerët përgatiten për operacionin më të madh të sigurisë në historinë britanike në prag të funeralit të Mbretëreshës.
Mijëra dashamirës janë në pritje të mbërritjes së arkivolit të monarkes së ndjerë e cila paraditen e djeshme la kështjellën e saj të dashur Balmoral, duke filluar një udhëtim gjashtë-orësh nëpër qytetet skoceze.
Arkivoli i Mbretëreshës beri një udhëtim për në Edinburg ndërsa sot do të dërgohet nga Holyroodhouse në Katedralen e Shën Giles aty pranë, ku do të qëndrojë deri të martën, kur do të fluturojë për në Londër.
Thuajse 10,000 oficerë u përgatitën të përfshihen në operacionin më të madh të vetëm të sigurisë që vendi ka parë ndonjëherë.
Ekipet e specializuara të policisë dhe oficerët e inteligjencës mësohet se kanë anuluar pushimet si pjesë e një detyre masive sigurie ndër-agjenci për funeralin e Mbretëreshës.
Operacioni do të zgjerohet gjatë gjithë javës, ndërsa trupi i Mbretëreshës do të kthehet në Londër përpara se ajo të vendoset në Pallatin e Westminsterit.
Është hera e parë që ekipet e forcave speciale, duke përfshirë njësitë SAS vendosen në Londër në një gjendje gatishmërie të shtuar në rast të ndonjë sulmi të mundshëm.
