Ministrja e Energjisë dhe Infrastrukturës Belinda Balluku, në emisionin “Now” në Euronews Albania, ka shpjeguar se si doli formula e çmimit të energjisë për konsumatorët që shpenzojnë më shumë se 800 kilovat energji në muaj.
Balluku tha se konsumi i energjisë 800 KW në muaj është vendosur në bazën e një analizë ndërsa tha se kanë bërë të gjithë ekspertizën se sa energji harxhon një familje në muaj.
“E para ne jemi akuzuar që nga fillimi që po bënim një gabim, ishim duke mbrojtur të gjithë abonentët, pa diferencuar konsumin e nevojshëm nga konsumi i luksit. Kam dëgjuar politikanë dhe ekspertë që thoshin që me paratë e taksapaguesve të mbrohej dhe ata që kanë pishinat. I hymë një analize shumë të thellë, morëm të gjithë target grupeve e abontentëve, dhe dolëm në një rezultat, pasi bëmë të gjithë ekspertizën se sa harxhon një familje për të gjitha pajisjet. Madje janë futur dhe pajisje të tjera, që jo çdo familje i përdor. Është konsideruar që kondicioneri do përdoret çdo ditë”, tha ministrja.
