Një aksident ka ndodhur këtë pasdite në rrugën e Arbrit në fshatin Shkallë të Xibrit. Në vendin e quajtur “Ura e Spates” një automjet ka dalë nga rruga, duke përfunduar në humnerë.
Mësohet se mjeti po vinte nga Klosi dhe është përplasur me hekurat e urës, duke rënë më pas në humnerë.
Drejtuesja e mjetit ndodhej në të bashkë me një fëmijë. Fatmirësisht ata kanë pësuar vetëm lendime ndërsa janë dërguar në spital për të marrë ndihmë mjekësore.
Në vendin e ngjarjes ka mbërritur policia.
