Mediat e huaja kanë shkruar për koncertin që mbajti Rita Ora në sheshin “Skënderbej” në kuadër të “Tirana European Youth Capital 2022”.
Daily Mail vë theksin te veshja e këngëtares, e cila shfaqej me një body të zi, i krijuar nga stilisti shqiptar Valdrin Sahiti, i cili ka veshur dhe shumë yje të tjerë me famë botërore si Beyonce, Cardi B, Paris Hilton dhe Angelica Ross.
Në një moment, Rita ka ngritur me krenari flamurin shqiptar në ajër, thuhet në artikull.
“Krijuesja e “Body On Me’ ka lidhje të ndryshme me Tiranën, të cilën ajo e konsideron si shtëpi së bashku me Prishtinën dhe Londrën, dhe festimi i emërtimit të kryeqytetit si Kryeqyteti Rinor i BE-së është shumë afër zemrës së saj.
Më herët gjatë udhëtimit, Ritës iu dha dekorata Naim Frashëri, një çmim që u jepet shqiptarëve në fushën e shkencës, artit, kulturës dhe arsimit për veprat dhe veprimtaritë e tyre të vlefshme.”, thuhet mes të tjerash në artikull duke u ndalur më pas te takimi në Presidencë.
