Milot Rashica duket se është gati të ndërrojë kampionat dhe të largohet nga Anglia. Futbollisti i përfaqësueses së Kosovës, duket se tashmë do të provojë kampionatin turk, për të veshur fanellën e një prej klubeve më të njohura atje, Galatasaray.
Skuadra turke ka hyrë me forcë në merkato në ditët e fundit të saj duke gjetur akordin shumë shpejt me Mauro Ikardin, Hames Rodriguez dhe talentin e Barcelonës Jusuf Demir. Por pak kush e priste këtë transferim te Rashicës, i cili është një titullar fiks i Norwich.
“Fanatik” bën të ditur se akordi mes palëve është arritur dhe mbetet vetëm zyrtarizimi i këtij transferimi shumë të bujshëm, pasi kjo lëvizje e Rashicës ishte e paparashikuar. Për më tepër, diskutohet se ky transferim do të jetë me kosto zero, në formë huazimi apo transferimi përfundimtar, edhe pse Norwich bleu për 11 milionë euro kartonin e tij nga Verder Bremen.
Milot Rashica Galatasaray’da..
— Nevzat Dindar (@nevzatdindar) September 7, 2022
