Në një kohë kur tubacioni kryesor “Nord Stream 1” që sjell gazin rus në Europë, është mbyllur për një afat të pacaktuar, gjigandi “Gazprom” duket se ka gjetur kohë edhe të “tallet” me krizën energjitike të Europës.
Nëpërmjet një video dy minutëshe të titulluar “Dimri i Gjatë”, që shoqërohet me zërin e një gruaje, e cila këndon këngën, “Winter will be Long”, rusët kanë dashur t’i dërgojnë një mesazh të qartë BE-së.
Në tekstin e këngës thuhet: “Shiko, matanë lumit, vjeshta po largohet dhe dimri do të jetë i gjatë, vetëm muzg dhe borë”.
Pikërisht të tilla janë edhe imazhet që e shoqërojnë, me re që afron dhe flokë bore që shtohen intensivisht.
Pamjet tregojnë një punëtor që mbyll tubacionin, duke dërguar presionin e gazit në zero, ndërsa retë e ftohta mbulojnë Brukselin, Berlini, Parisin dhe Londrën.
Kjo lëvizje “ironike” e Gazprom vjen si goditje për Europën e hidhëruar, që parashikon shkurtime në furnizimin me energji, jo vetëm për institucionet publike por edhe qytetarët e saj, në një kohë që paqja në Ukrainë duket shumë larg.
