Një ngjarje e rëndë ka ndodhur ditën e sotme në Gjirokastër ku një grua ka ndërruar jetë pasi u rrëzua në lagjen “Kodra e Shtufit”.
Sipas policisë, bëhet fjalë për një 61-vjeçare e cila është rrëzuar aksidentalisht.
Një marrje mendsh dyshohet se ka qenë shkaku që i mori jetën 60-vjeçares në Gjirokastër, pasi ajo ra nga lartësia.
Mësohet se Aksinja Lulo kishte probleme me tensionin e ulët të gjakut.
Sipas dëshmitarëve, 60-vjeçares i janë marrë mendtë teksa hynte në pallat dhe ka rënë në hapësirën mes dy pallateve. Praktikisht vendi nga ka rënë është kati i parë por gruaja është rrëzuar në hapësirën nën nivelin e hyrjes me një lartësi gati 2.5 metër, e për pasojë ajo ka humbur jetën.
Hetimet pritet të zbardhin ngjarjen dhe shkakun e vërtetë të vdekjes.
