Kreu i Partisë së Lirisë Ilir Meta ka reaguar pas një interviste për një televizion francez të ish-drejtorit të Policisë, Gledis Nano. Ky i fundit deklaroi se gjatë kohës që ushtronte detyrën, janë arratisur 14 kriminelë të rrezikshëm, pasi janë dekonspiruar operacionet e policisë për kapjen e tyre.
Në një postim në FB, Meta shkruan se “tani është e qartë se cili është objektivi që nuk realizoi Policia e Shtetit, që solli si pasojë shkarkimin e Drejtorit të Përgjithshëm”.
“U dekonspiruan vetëm 14, por duhej të dekonspiroheshin të gjithë. Çdo shtet ka mafien e tij, por këtu mafia ka shtetin e vet. Ndaj një orë e më parë për të shporrur Kryeministrin e Krimit dhe Shpopullimit”, shton Meta.
