Shahe Lika, gruaja e cila i dha fund jetës duke u vetëvarur, dhunohej prej vitesh nga burri i saj Shefqet Lika. Mësohet se çifti ka pasur konflikte të shumta prej shumë vitesh, ndërsa bashkëshorti ka ushtruar dhunë sistematike ndaj saj.
Në javët e fundit ajo ishte larguar nga banesa dhe kishte jetuar tek e motra. Në banesën e burrit ishte kthyer një ditë para se të merrte vendimin për t’u vetëflijuar.
Shefqet Lika ka qenë i alkoolizuar prej vitesh. Fëmijët e tyre jetojnë jashtë vendit.
56-vjeçari Shefqet Lika, i arrestuar dje në Kamëz, pas fshehjes së vetëvrasjes së bashkëshortes së tij, ka thënë para policisë se ka pasur frikë të raportoj për vetëvrasjen e bashkëshortes pasi sipas tij nuk do ta besonin familjarët e saj.
Lika tha se prej kohësh ata e kanë akuzuar për dhunën që ushtronte nga gruas dhe se familjarët e saj herë pas here e kishin paralajmëruar se do ta denonconin. Por, situata i doli nga kontrolli 56-vjeçarit pasi familjarët e gruas tashmë të vetëvarur patën dyshime dhe kërkuan ekspertizë të trupit të pajetë. Pas ekspertizës rezultoi se 55-vjeçarja ishte vetëvarur. Shefqet Lika akuzohet për dy vepra penale, shkaktim të vetëvrasjes dhe veprime që pengojnë zbulimin e së vërtetës.
LEXO EDHE:
U vetëvra pasi dhunohej nga burri për 30 vite, vëllezërit e zbuluan gjatë funeralit
