Rreth 70 mijë persona dolën sot në rrugët e Pragës për të protestuar kundër qeverisë, duke i kërkuar koalicionit qeverisës të bëjë më shumë për të kontrolluar rritjen e çmimeve të energjisë, si dhe ngritën zërin kundër Bashkimit Evropian dhe NATO-s.
Organizatorët e demonstratave, të cilët vijnë nga grupe të shumta të krahut të djathtë dhe grupe më të vogla, duke përfshirë Partinë Komuniste, thanë se Republika Çeke duhet të jetë ushtarakisht neutrale dhe duhet të sigurojë kontakte të drejtpërdrejta me furnizuesit e gazit, përfshirë Rusinë, raportoi Reuters.
Policia tha se kishte rreth 70 mijë protestues rreth mesditës.
Kryeministri Petr Fijala, i cili udhëheq një koalicion të përbërë nga pesë parti, tha për “CTK News” se protestuesit nuk kishin për zemër interesat më të mira të vendit.
“Demonstratat në sheshin Wenceslas u thirrën nga forca që janë pro-ruse, afër pikëpamjeve ekstreme dhe që punojnë kundër interesave të Republikës Çeke”, theksoi Fijala.
