“Sunny Hill Festival” në Tiranë u mbyll pa performancën e Dua Lipës. Por, ylli botëror do të performojë në një tjetër datë.
Ka qenë kryeministri Edi Rama që njoftoi koncertin e nëntorit me një video përmes ‘Sunny Hill Festival”.
“Mirëmëngjesi dhe me superenergjinë e ‘Sunny Hill’ e me falënderimin për Duan, që e presim me padurim në Tiranë në nëntor, ju uroj një javë të mbarë”, shkruan Rama në ‘Facebook’.
Siç duket festat e 28-29 Nëntorit do ta gjejnë Dua Lipën në Shqipëri. Deri atëherë, organizimi më i afërt është ai ku do të performojë Rita Ora, më 6 shtator.
