Një ditë pas ngjarjes që tronditi Tiranën, ku Arsen Muskurti ekzekutoi me pistoletë vëllanë dhe kunatën, policia ka gjetur armën me të cilën është kryer krimi. Mësohet se pistoleta nuk është gjetur në kosh mbeturinash siç autori pretendoi fillimisht se e kishte hedhur.
Në orët e vona të mbrëmjes, ai është marrë në pyetje nga policia dhe prokuroria ku pasi ka pranuar autorësinë e krimit.
Arsen Muskurti hyri pasditen e djeshme brenda agjencisë së udhëtimit dhe qëlloi për vdekje me pistoletë vëllain e tij dhe kunatën. Më pas u largua qetësisht dhe disa orë më vonë, u arrestua nga forcat e policisë.
Dy vëllezërit kishin qenë bashkëpronarë të Agjencisë së Udhëtimeve, por nga janari i këtij viti Arsen Muskurti nuk ishte më ortak në këtë biznes. Dyshohet që problemet e pronësisë së Agjencisë së udhëtimeve të kenë qenë shkak për konfliktin mes vëllezërve.
Ndaj Arsen Muskurtit rëndojnë akuzat për veprat penale “Vrasja në rrethana cilësuese” kundër dy ose më shumë personave dhe “Mbajtja pa leje dhe prodhimi i armëve, armëve shpërthyese dhe i municionit”.
