Kryeqyteti aktualisht është në terr, kjo si pasojë e reduktimeve të gjata me rrymë, me të cilat po përballet vendi ynë tash e dy javë.
Për qytetarët, këto reduktime janë vështirë të përballueshme, ku në mesin e atyre që po ankohen janë edhe gastronomët.
Lexues të Gazetës Express kanë dërguar fotografi nga bulevardi ‘Bill Clinton’, ku shihet se aktualisht Prishtina po përballet me mungesë të energjisë elektrike.
Qytetarët kanë raportuar se në kryeqytet dhe qytetet e tjera të vendit sot, gjatë ditës, ka pasur reduktime deri tri herë në ditë, madje edhe treorëshe.
Ndryshe, Korporata energjetike e Kosovës(KEK) ka bërë të ditur se janë duke e sanuar njësin A3, dhe pritet që brenda dy ditësh të përfundojnë punimet dhe kjo njësi të rikthehet në funksion.
