Armando Broja do të provojë ter tregojë aftësitë e tij te Chelsea dhe të bind trajnerin Thomas Tuchel se duhet t’i besojë minuta në këtë sezon në Premier League.
Në ndeshjen që Chelsea humbi me përmbysje ndaj Southampton, sulmuesi i kombëtares shqiptare hyri në fushën e lojës në minutën e 66-të, teksa në disa raste provoi fatin për të mposhtur kundërshtarët por pa mundur të konkretizonte në gol.
Një paraqitje e mirë nga 20-vjeçari shqiptarë, paraqitje që nuk ka ikur pa u vënë re nga ish-lojtari i njohur anglez, Jason Cundy, i cili nuk ka kursyer edhe lëvdadat për shqiptarin.
Cundy nuk shikon asnjë arsye që shqiptari të rrijë në stol, por Tuchel ka zgjedhur të eksperimentojë me Havertz si qendërsulmues.
“Broja, mund t’ju them vetëm sesa brilant dukej kur hyri në fushë, ky lojtar duhet të jetë nga minuta e parë. Tuchel duhet ta nis me një qendërsulmues të vërtet, Broja është i tillë. Nuk më intereson Havertz, ka fituar Champions League me ne, por unë dua të jetë Broja si titullar.
Lojtari i ndeshjes për Chelsea dje ishte Broja, ndoshta është e prapranueshme, por është e vërtetë. E di që është e vështirë për t’u thënë, si mund ta them unë që dikush që erdhi nga stoli ishte lojtari i ndeshjes për Chelsea?”, u shpreh Cundy për “TalkSport”.
